L-R con Rodrigo Cuevas: L.LUNA (agarráu)

Bonos díes. ¡Vaaaamoooossss!     

L.luna (agarráu) ye un cantar interpretáu pol dúo asturianu L-R y Rodrigo Cuevas. Ta basáu nun cantar de baille agarráu tradicional recoyíu pola cantadora y tocadora de pandeiru Concha ‘i Clara de Tresmonte, en Cangas del Narcea. 

A esti cantar camudólu la lletra la componente del dúo Leticia Baselgas, que lo canta con Rodrigo y toca’l pandeiru;  el so compañeru Rubén Bada apurría les guitarres y arreglos. Ente toos creen un tema na onda d'esi amiestu de folk tradicional asturianu, estilos más modernos como'l rock o'l blues y soníos esperimentales, que foi l'estilu (llamáu por ellos post-folk) del dúo dende la so formación en 2016. El cantar foi asoleyáu a finales de xineru de 2024, como single adelantu del so tercer álbum, V.O.S., que saldría un par de meses dempués.

El llanzamientu vieno acompañáu d'un perguapo videoclip d'animación tradicional, a mano, creáu tamién por Leticia. Xugando col títulu del álbum (les iniciales respuenden a Versión Orixinal Subtitulada) el videoclip presenta unos subtítulos en castellán que non siempres coinciden colo que se ta cantando, lo que fai que cobren vida propia y cuenten una hestoria distinta.

 

Lletra del cantar

Hestoria nos subtítulos

La l.luna asomóu no cielo,  blanca entera tien la cara. La l.luna asomóu no cielo,  blanca entera tien la cara. Miu amor cuando la mira,  miu amor cuando la mira  sal contenta a la ventana. Miu amor cuando la mira,  miu amor cuando la mira  sal contenta a la ventana.   La l.luna asomóu no cielo,  ya riouse del miu amante. La l.luna asomóu no cielo,  ya riouse del miu amante,  que de noite namás salen,  que de noite namás salen  los que quieren namorase. Que de noite namás salen,  que de noite namás salen  los que quieren namorase.   Anque m’al.lume la l.luna yo nun quiero namorame. Anque m’al.lume la l.luna yo nun quiero namorame,  que son amores sinceros,  que son amores sinceros  los que vienen pa quedase. Que son amores sinceros,  que son amores sinceros  los que vienen pa quedase.   Marcha l.luna que bien marches  pa guardame del miu amante. Marcha l.luna que bien marches  pa guardame del miu amante,  que n’escuru se contentan,  que n’escuru se contentan  los que vienen a mirame. que n’escuru se contentan,  que n’escuru se contentan  los que vienen a mirame.

La luna brilla en el cielo  y muy blanca tiene la cara. La luna brilla en el cielo  y su luz me ciega el alma. Y así cuando me miran,  y así cuando me miran,  me dicen “la enamorada”. Y así cuando me miran,  y así cuando me miran,  me dicen “la enamorada”.   La luna se escondió en el cielo  para reírse de mi amante. La luna se escondió en el cielo  y se rió de mis amantes. porque de noche solo salen,  porque de noche solo salen  los que no quieren enamorarse. Porque de noche solo salen,  porque de noche solo salen las que van a enamorarse.   La luna juega en el cielo y yo no quiero enamorarme,  pero su luz me enciende entera y conmigo todo arde. Ellos lo dicen pero no lo saben,  ellos lo saben pero no lo dicen   pero el fuego conmigo arde. Saben que entera yo quemo  y a mi vera todo arde,  y a mi vera todo arde.   La luna se va del cielo  y de la mano la paseo. Yo alumbro los caminos  que pisan mis amantes. Por caminar con la luna   me dicen la “enamorada”.  Lo dicen pero no lo saben. Lo saben pero no lo dicen,   lo saben pero no lo dicen  pero por mí el fuego arde.

 

Ye interesante que un añu dempués de V.O.S. Rubén Bada espublizó un álbum en solitariu nel qu'incluyó un cantar, Agarraos de Concha, nel qu'interpreta d'un mou más tradicional otros temas de la cantadora.

Equí déxo-vos el videoclip de L.luna. Espero que vos preste tanto como a mi.

Fontes de los datos: músicasturiana (1), músicasturiana (2), músicasturiana (3) Muzikalia, Tous pa tous, L-R páxina oficial y les entraes correspondientes en Wikipedia